準備轉地址

各位新聞界,娛樂界,學術界,藝術界既朋友,

今日係年廿九,想係度先祝大家,新年快樂過舊年,有情人繼續有情,無情人亦自由淡定,大家都享受生活,繼續有幻想,有理想,有夢想.

呢個ebby_memory.blogspot.com將會在明日,狗年最後一日,年三十之後結束營業,由金豬年的首日起,呀比號愛想像會在新地方開新分店.繼續同(強迫)大家分享我呢個火爆人既心神! 新地址我會明天公報,希望大家可以留戀呢個,經營左3年既地方.

我係度記載過: 獨立生活感覺 / 被裁員大恐慌 / 沉悶工作思潮 / 轉工跳槽衝擊 /尋找我媽的故事等等, 一路有大家作伴,回應,感激不盡! 雖然很多人說我的blog太長,文字太多,不想看,在此,我承諾大家,將來在新的blog內,我,依然是我, 一樣會又長又多! 放心! 我依然是死牛一面頸的王呀比!

多謝各位!